SAPANE

SAPANE

subah subah arjun ghar aata hai aur sir me hath rakh ke baith jata hai tabhi bahan ati hai ( pragya ) 

pragya – bhaiya chai 

( Kuchh der dekhne ke bad )

pragya – kya hua bhaiya?

koi zabab nahi 

Arjun bas ishara se mana kar deta hai ki kuchh nahi

pragya thoda sa chintit hoti hai aur chai rakh kar chali jati hai

ye sara mamla balkani se dada ji dekh rahe hote hai

tabhi arjun ka mobile bajata hai aur arjun call ko do baar disconnect karta hai 

ab thodi der baad dada ji arjun ke paas ate hai aur arjun ke bagal me baith jate hai ,

 thodi der aise hi arjun ko dekhte rahte hai, ki tabhi arjun uth ke chup chap bahar ki or jane lagta hai

dada ji – kya humesha aise hi apne aap se bhagte rahoge.... "arjun"

arjun ke kadam ruk jate hai bas chup – chap khada ho jata hai 

dada ji – is jeewan me bahut se logo ko wo sab nahi milta , jo wo pana chahte hai

arjun kuch samay baad chup – chap bahr chala jata hai

pragya bhi arjun ke pichhe – pichhe chal deti hai

arjun ekant me baitha hai

tabhi Pragya bhi aake bagal me baith jati hai

arjun – (kuchh der shant rahne ke baad) tum yaha kyu aai 

pragya – bas aap ke paas baithna tha

kuchh der baad

arjun – tumhe pata hai na ki , is job ko pane ke liye maine kitni mehnat ki hai , par aaj sab barbad ho gaya , unhone company ke liye software banane ki shart rakhi thi, aur maine kadi mehnat karke banaya bhi , par unhe kisi aur ka software pasand aa gaya , ab wo meri jagah amarica jaega , aur mai yahi rahunga

pragya – thoda soch ke dhire se puchhati hai " agar apki job lag jati , to aap hume chhod ke america chale jate bhaiya "

arjun kuchh nahi bolta , aur pragya ghar chli aati hai

sham ke samay arjun ek mail padh raha hota hai , tabhi dadaji aate hai 

Aur arjur ke kandhe pe hath rakhte hai

dada ji – pragya ne bataya america wali job ke bare me , koi baat nahi fir se try karo usse achhi mil jaegi

arjun – nahi dada ji , mujhe wahi job mil gai hai "india me hi" ab mai kahi nahi jaunga 

dada ji – fir tumhare amarica ke sapne ka kya hoga

arjun kuchh nahi bolta

dada ji – thodi der baad " beta humre jeewan bhar me hume bahut si bate pasand aati hai par unme se kuchh hi humare bus me hoti hai , baki ... apne aap hi aage badh jati hai , par dicision humara hota ki kya humare liye aur humare pariwar keliye uchit hoga , kuchh sapne aise bhi hote hai jinko hum pura kar to lete hai par parivar adhura rah jata , jinke sapne humse jude hote hai unka kya .... 

(focas pragya pe shift hota hai )

wo to bas intzar hi karte rah jate hai " zindagi bhar" akelepan me..

zindagi wo nahi jo hum pana chahte hai balki zindagi wo hai jo hum jeete hai 

job to bas ek jariya hai khushi ka , par asali khushi apne ghar walo ke sath hai jo humesha har haal me tumhare sath rahe 

arjun chup chap sun raha hota aur ab use dada ji ki bate samajh aa chuki hai aur wo yahi bharat wali job accept kar leta hai... 

Aur arjun mail send karne ke baad pragya aur dada ji ki or pyar se dekhta hai

Aur pragya ki ankho halke se anshu aa jate hai ...